星級司儀Bob Lam 林盛斌與Unison樂隊的精彩演出，Bob 更親身講述一隊出色及專業的樂隊所具備的條件，以及與司儀在婚禮上合作的重要性，請大家細心欣賞！
真心想多謝UNISON! 婚禮後到今日我仲收到朋友 compliments, 話當晚晚宴既氣氛好好, 其中更有人對我講, 未去過咁開心既婚禮! 我知道, 係因為有你地!
响搵Live Band 既過程中, 我地上網睇咗好多唔同Live Band既 Youtube Video, 最後發現唔係睇片就得, 一定要同Band溝通, 互相了解. 更加唔可只睇Rate card同Song list, 如果唔係同播碟無分別.
一隊好既Band, 係要將音樂融入晚宴中, 慢慢去滲透入氣紛之中, 呢樣野唔係隊隊Band都做得到, 要用經驗, 用心去留意賓客既反應, 要清楚賓客既 profile去選歌, 呢種”執生”技巧好難, 但阿Pearl同Unison完全無令我地失望, 係全team 人一齊做一齊夾，台前幕後做得好，有默契同好嘅manageme
婚禮既排場, 可以用價錢去堆砌, 但氣氛同賓客既投入就幾錢都買唔到! 係你地既performance裡面, 我睇到「專業」! 無論對樂器既要求 到演出 技巧 都要求最好最完美, 我睇得出你地既「熱誠」 以及對客人/宴會既尊重, 你地唔會只當係一個job, 更明白呢個係客人一生之中既大日子!
UNISON, 多謝你! 係你地令我地既回憶完滿!
近日接連在婚禮上睇到其他團體及樂手的演出，有機會親眼觀摩下他人嘅表演，都係一件幾有趣嘅事！
但可惜睇到嘅，竟然係連音都未tune 好，兩支樂器相差半度有多，有D就連首歌都未熟，仲要係自己solo , 終於成首March in 歌炒哂！依家新晉嘅Musician , 究竟係用乜嘢嘅心態接job 呢？係咪諗住D 客唔識，求求其其玩，搏個客唔投訴就算呢？
其實大家放咗咁多時間同心機喺一件樂器上，證明你真係好熱愛佢，但點解會有機會俾自己炒成咁！你接得一個job , 就要做好本份，尊重客人更加要尊重自己…
這對婚禮客人在大約九個月前與我們聯絡, 初次見面時, 新娘子已十分肯定自己想要甚麼音樂表演組合, 難得能夠在Cocktail area 行禮, 樓底又夠高, 音樂同氣氛簡直完美 !! Congrats to the newly couple again !!!
Ceremony music : String Quartet
Cocktail music: Harp with String Quartet
Banquet music : 5 pieces Pop and Jazz Band
榮幸再次為康泰旅行社辨喜事, 今次跟Serenity Productions 合作非常愉快, 他們在舞台及燈光效果方面更是照顧有加! 最高興是又可跟十郎 (鄧梓峰) 同台演出, 我們當晚樂隊成員和歌手一共9人和十郎, 演唱了幾首經典英文金曲, 如 Stand By me, When I saw her standing there 等, 大家都聽出耳油, 我們更是彷如置身小型演唱會!!!
祝Tanya and Jason 百年好合, 永結同心 !
Dear Pearl,
I must apologise for this belated thank you note. I would very much to
let you know that we are very very happy with your arrangement of
music. You have done a great job to fit in the songs appropriately
with the rundown.
Most of all, our friends enjoyed the music you provided and all have
excellent comments on the music performance. Indeed, many asked your
name card for recommendation. Many said they have not heard such
wonderful music in wedding banquet and how I can know you for this
evening event.
Pearl, your presence and passionate effort in providing beautiful
music to the guests are so deeply appreciated. I see your passion in
making everyone enjoying music through your eyes and careful attention
to us. I do not know how to thank you enough for your genuine and
sincere helpfulness in all preparation making this banquet a
successful one. I believe you will have more invitation from my
friends in future.
I was so busy that evening that I did not have time to enjoy your
music, please do send me a disc of the evening program for our
memories and keeping. I will enjoy as much as my friends did.
Special thanks again to you and your team. I like you to know money
can not buy such wonderful music that are from heart and passion. Your
music has added a new chapter in our lives, and sparkled in Salome and
Mikes’ lives as well.
記得首次跟Auntie會面, 知道她對於女兒的婚禮相當關心。由場地佈置、枱花設計, 以至選擇樂器演奏及歌曲等, 她都會細心跟我分享。了解她的心意後, 我大膽地提出了另一idea。 我花了不少時間跟她洽談, 因為這跟她之前所想的大為不同。但我覺得, 我是有責任, 有能力去用最專業的角度跟她分析, 為她選擇最合適的歌曲種類及樂手。 慶幸最終得到Auntie的信任, 讓我們盡情發揮, 令所有賓客得以有個歡樂晚上
如我所料, 昨晚演出非常成功, 由音響燈光設計安排, 到所有歌曲鋪排演出, 以及即興選曲以配合現場氣氛等等, 效果確實完美, 而賓客熱情的投入, 和對我們熱烈的掌聲及欣賞, 更令我喜出望外!! 就算到送客時段, 他們仍不願意離開, 希望聽多幾首歌。作為一個婚禮音樂表演者, 看到賓客因為我們的演出而感動, 這不就是大家最希望見到的嗎? 我想更應該是能夠做到成功婚禮音樂的主要條件!!
再一次感謝台前幕後同事的努力, 酒店好友的照顧!!!
Thank you all very much, we did a great show again!!! Congrats to the newlyweds !!!
Great show with Bob again !!!
Thank you all for your wonderful performance !!!
非常感謝Bob 在台上多次的讚賞, 聽返當晚 recording, 所有cue 位,大家夾得天衣無縫, 完全無得輸!!
唔知下次可唔可以真係請Bob上台同我地一齊jam 下呢?
今早細看好友post 的wedding highlight , 深受感動…
一對新人在教堂行禮，片段中沒有浮誇的佈置、華麗的禮服金器，見到最多的就是家人最真切的笑聲和淚水。
婚禮上，新人互相道出最真摯的誠諾，對家人的感謝以及希望家人跟他們有共同信仰的意願。這一切一切，我看到的不是經過甚麼精心安排的，只是新人的心底話。
我個人最抗拒婚禮綵排，基本儀式概念要有，但不是要Full rehearsal 嘛！其實只要流程順暢，每人都能夠享受其中，攝影和攝錄師就能捕捉最美的鏡頭。就算有少許錯漏，亦不足為奇，反而最真情流露嘅畫面才是最令人感動。但近年好幾次開工時，婚禮主持人為了讓攝錄師捕捉鏡頭，先後喝停幾次，更要主導新人刻意擺姿勢！我諗佢連邊個先係主角都唔知囉…
記得多年前一個教堂婚禮上，新娘媽媽對流程十分緊張，（因為係彌撒 Full mass），她希望我能替她主持整個流程。在婚禮當日，我看到的是她們能夠好好享受其中，至今仍然記得媽媽對新娘的深情擁抱！作為婚禮從業員，這不就是我們最想做到的嗎？不要把自己當成婚禮主角，默默真心為客人設想就夠了…
感動係一個近年拍攝過咁多大場面嘅人，都仍能對簡單嘅婚禮，甚至對婚姻有咁透徹嘅感受，並能將它記錄下來。我相信當中嘅訊息，係需要用心去聆聽及了解，請不要單靠用email
查詢或純粹慕名而來！
其實見識過乜嘢都好，做過甚麼名人也好，對我地生活係無關係的，你唔會因為咁而發咗達架！反而係叫做見識過，就更加珍惜現有嘅簡單生活…
共勉之
一對情侶能夠共諧連理，不是難事；但一對夫妻能夠真正相親相愛，和諧共處數十載，卻不是易事！
夫妻之間係絕對需要溝通與體諒。
兩個來自不同家庭、教育及宗教背景等等嘅人，㸃可能想法會完全一樣呀？就算係自己嘅兄弟姊妹，同一個成長環境下長大，大個咗咪又係各有不同。
依家好多人都以為會遇到一個完全了解遷就自己嘅Mr or Ms Right , 其實邊有咁好彩吖？呢個世上永遠會無條件為您嘅，只有您老豆老媽子！Hahaha!!
所以兩夫婦生活習慣又好，還是個人價值觀也好，係需要好多時間及心機去磨合。生活上少不免有掙抝，有意見不合嘅時候，最緊要係大家可否心平氣和去傾，去妥協。
能夠經得起考驗嘅感情更是份外珍貴！
我祝福所有新人永結同心，更樂於見到舊客們慶祝他們結婚週年紀念！
我希望每對夫婦都能夠做到，到公園中散步年紀，有老伴仍是您！
共勉之
知道好多朋友都覺得，我近來對婚禮行業嘅前景多咗憂慮。畢竟做咗咁多年，近年確實覺得失望，尤其係婚禮音樂…
以往傳統上，大部份嘅高級婚宴都會請菲籍或西人樂隊演出，華人樂隊彷彿未能登上大雅之堂。但我覺得樂隊絕對需要配合整個晚宴流程，樂手要作出音樂上的安排來配合現場氣氛。試想想，如果樂手連個司儀講乜都唔知，㸃俾反應呀？將心比己，我都無信心做好一對韓國人的婚禮。
所以咁多年來，我都致力支持華人樂手，為他們爭取最多的掌聲及最大的尊重。
近年亦多咗好多年青樂隊出現，質數如何，我不予置評。但接連從客人及酒店行家口中得知，他們不論在樂手及器材安排上，或當日演出的表現均未如理想。主要問題是聲浪太大，音響質素欠佳，樂手水準業餘，胡亂選曲以致整個晚宴毫無格調可言。亦因為咁，依家有好多客人對華人樂隊嘅印象好差，甚至放棄選用樂隊，情願播碟罷了！
唉，我近來見客都要用上大量時間解釋，重新讓客人接受樂隊。
無可否認市場大咗，多咗好多競爭。但好想講，我花咗好多時間心機去發展，見到呢個情況真係好難過。好希望同業們去多啲了解婚宴流程和客人嘅需要，在音樂及音響上好好裝備自己，真正達致專業水平，才可令婚禮音樂行業健康發展。
千萬不要用業餘水準配以廉價package
去搵三兩年快錢，這只會拖誇整個行業！真正專業的樂師最少需要花上以十數年計的時間學習及累積演出經驗的，請大家尊重他們!
我唔介意跟大家分享呢塊餅，但我十分介意你去踩爛佢！
共勉之！
又一個非常開心的晩上，thank you all for your wonderful performance again !!! 噚晚台上台下打成一遍，氣氛非常熱鬧, 亦感謝主人家在台上多次的讚賞。有一刻，真係好想將咁盡興嘅場面拍低，但最後都係打消念頭。其實開緊工嘅時候，真係會去到一個忘我嘅狀態. 要招呼客人，又要照顧隊友 ，仲邊有時間心機去捕捉鏡頭吖？我首要做嘅，就係要讓客人欣賞精采嘅演出； 樂手們喺最舒服及備受尊重嘅情況下表演，其他嘅都不重要！ 我相信, 只要俾心機做好每一個演出，在坐客人一定會記得你.
我只想專心做好每一個 show …..
Thanks so much , Tweety and Billian!!!
好高興收到您們的Thank you card and picture, 多謝您們的信任, 讓我們當晚的表現可以盡情發揮!!! 還記得大家當晚玩得不亦樂乎, 台上台下打成一遍, 我們與各婚禮單位也合作得天衣無縫!! 非常喜歡這幾張照片, 真係影得好靚!!! Thanks Simon soooo much !!!
一直都知道自己好幸運,能夠做自己鍾意嘅工作,
近排更肯定, 能夠令到所有人開心,先至係我最想做到嘅…
喺呢近年, 除咗wedding之外,做咗好幾次結婚週年, 生日, 上市祝捷會等等,
其實全部都係celebration, 人地揾我地, 就係要我地令到大家盡興而歸..
能夠跳跳舞, 唱唱歌, 台上台下打成一片,每個賓客樂在其中,
甚至唔想say goodbye, 呢D 咪正係每個主人家想做到.
每一次見到個個都咁投入, 嗰種興奮實在
難以形容..
我會堅持做好每個party !!!
我知道有時會辛苦咗D同事, 希望大家見諒, 我只係想做到最好!
能夠有你地並肩, 係我一生嘅榮幸 !!
thank you all !!!
Ms Pearl Lo
Unison Production 創辦人之一
榮幸的被獲邀為My Radio 全新節目”談婚論嫁”的第一集嘉賓, Pearl 在節目大談入行趣事, 多年婚禮工作上的點滴, 以及對婚禮工作的心得與堅持。
榮幸的為方平先生及鮑姐女兒的婚禮演出, 呢個應該係近期最多眼淚的婚禮, 台上外父的感人致辭, 台下嘉賓無不動容。感激Eva and Ken 對我地嘅信任, 讓樂隊在氣氛方面發揮得淋漓盡緻!!
呢個Backdrop 佈置, 真係好靚…好靚….
Congrats to Eva and Ken again!!!!
Venue: Four Seasons Hotel Photography: Photo by Ben Vediography: Terry Focus Decoration: Wedding Garden Music Performance for ceremony and Banquet: Unison Production
